早幾天M 先生帶我去左一間叫做食上海菜, 叫做留園雅叙, 唔知點解我一見到個名, 就聯想起慧研雅集
![](https://www.hkicons.com/_445.gif)
, 其實又一D都冇關, 都唔明點解自己會咁白痴架
![](https://www.hkicons.com/_2058.gif)
一上到個門口, 好神秘~~~~ 睇唔到入係點,只係見到個門口出面有點亂, 擺哂雜物咁囉!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/73/l/ZImicIc21xmWqfM5zqUZ5g.jpg)
一推開個門就見到有呢個長長的bar 檯係正餐廳的中間, 周圍就是餐檯圍住, 大約得廿幾張檯, 但係真係估佢唔到, 係全場爆滿! 後來M 先生話佢有訂左位, 所以我地先有得食喳!我估我o個張都係最後o個張喇! 因為我地就係坐係門口喇!
留意到同場的客人大部份都飲紅酒
![](https://www.hkicons.com/_2174.gif)
,可能係咁,個酒吧位都佔左好多個面積呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/90/l/VxImAHV7XuG3QFheqQb8rw.jpg)
,
餐牌上印有一個留字logo, 簡單得黎帶點高貴的型格!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/82/l/4Wi_a16YVPJs6tXf5rCmIA.jpg)
呢個餐巾真係摺得好有心機! 好少見到中菜都會摺得咁靚!不過又咁講, 全場都係得廿幾張檯, 但係眼見起碼都有八九個侍應, 係呢個現今的餐廳, 好少見到有咁高的檯對侍應比例呀! 一個侍應對兩張檯, 真係要老店自做到!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/86/l/YK6E0gvnwBeO6J_KIf3xyg.jpg)
第一味就是"老"蛋喇!!個賣相都不俗, 係溏心蛋! 不過味道略淡, 我地食左半隻後來都加左少少胡椒粉吊下個味, 全程都係M先生叫, 我冇睇價錢, 事後佢話我知好似要成$38隻! 嘩! 都真係幾貴呀!
呢個時候想起Mrs.T, 佢某一次介紹點整溏心蛋, 仲用玫瑰花煙燻, 我諗佢整o個個仲好味呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/83/l/Qql6ovkDSk9quicJV1W41A.jpg)
酸辣湯味道一般, 好似沒有什麼大的印象
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/78/l/R7NCMd5iHH.q492pEv8WvA.jpg)
食上海野有一樣野係的必食的! 就是銀絲卷, 不論係蒸或者係炸, 總之都要有一條! 點解一定要有? 個原因我都唔係好知, 不過對於這些白濛濛咩都冇的麵包,我真係有點情意結, 總食到佢地的香甜味, 個感覺好溫暖 (唔通我前一世係一個苦行僧!?)
呢個銀絲卷俾人泵扁左, 但仍然都食到佢淡淡的香甜味!
有冇人可以話我知, 其實銀絲卷同饅頭用的料都係一樣, 分別其實只係在於銀絲卷入面係一絲絲, 而饅頭係實心?係喎,真係食就識,查實又真係唔知點解可以整到入面係一絲絲的呢?
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/77/l/1XHAnwN4yMzk1tSQDgaBvQ.jpg)
再來就是小籠包!食小籠包其實又真係好有技巧,太熱時一口咬爆佢,你條脷真係多得你唔少,仲有熱到要吐番出黎,真係失禮哂呀!
放到凍哂時先食,我又總係覺得有一少少腥味(我真係試過幾次)
好似名人教係個頂啜左入面的湯汁先,我又覺得咁會失左個原本的意義,因為應該係一齊入口先會感受到那湯怎樣帶出加強左肉的鮮味!
所以我通常都會黎到放一陣,先係頂啜一啜,感受一下個心的溫度,可接受的話,就成個放入口,太熱又放低等多陣咁呀!
回說呢個小籠包,湯汁夠多夠鮮,沒有很油的感覺,皮亦夠薄,一口一粒,真係過足哂癮!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/76/l/nrebhRaeQWlaY0GcY8QvIQ.jpg)
最後出場就係呢味炒河蝦!個玻璃汁做得幾好,咸淡適中!
唔好睇小呢碟野!M先生叫我估下呢碟野幾多錢,我起初見呢碟蝦毛仔仲要係咩都冇加入去炒,我就估佢$88
點知佢同我講,原來係要成二百幾蚑!!!
![](https://www.hkicons.com/_1580.gif)
事後我地檢討過呢碟野,真係唔知佢貴的價值係邊,味道同一般的蝦仁都冇咩分別,肉質又唔係十個彈牙
最終我地都得出一個結論,一定就係心機錢呀!!要一隻一隻剝殼,仲要挑腸,呢啖心機真係值錢呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/81/l/_PnmOFFzQgy5fYendX3WDA.jpg)
黎一個近鏡睇下!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/80/l/xr6hqED2qs5CyZQUQLU.Gg.jpg)
到最後M先生有點意猶未盡,於是點多了一個炸醬麵
![](https://maggieland.myftp.biz/download/msn/emotion/emotion15.gif)
呢個炸醬麵同我地成日係雲吞麵鋪食那個不同,呢個好似台灣的"肉燥"味,再加上青嫩的青瓜,為呢一餐劃上完美的句號!
雖然話女人有第二個胃係食甜品,但係今次都真係食唔落喇!
![](https://www.hkicons.com/_2442.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/75/l/uMNW8VUUaiZDvsaHqRsoZg.jpg)
我地下次都會再黎呀!不過就唔會叫那個河蝦,因為佢拉高哂張單的價錢,埋單要四百多元,所以下次一定會飛起佢!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/71/l/T_hyUm34MvfdO8pafOWI7Q.jpg)